воскресенье, 4 марта 2018 г.

Տաղ անձնական (վերլուծություն)

Տաղ անձնական


Թողած Կարսում, գետի ափին, տունս՝ շինված անտաշ քարով,
Կարսը թողած, Կարսի այգին ու հայրենի երկինքը մով
Եվ Կարինե Քոթանճյանին անգամ չասած մնաս բարով―
Ա՜նց եմ կենում հիմա օտար քաղաքների ճանապարհով:

Անց եմ կենում, շուրջս-մարդիկ, շուրջս դեմքեր հազա՜ր-հազա՜ր.
Շուրջս աշխարհն է աղմկում, մարդկային կյանքն անհավասար.
Եվ ո՞վ կասի՝ ինչո՞ւ ես դու, և ով կասի, թե ո՞ւր հասար,―
Դեմքերը, ախ, բութ են այնպես՝ կարծես շինված են տապարով:

Գորշ, տաղտկալի ու խելագար երգ է կարծես այս կյանքը մի.
Ինչ-որ մեկի սրտում բացված- վերք է կարծես այս կյանքը մի.
Եվ ո՞ւմ համար- էլ ո՞ւմ համար կարոտակեզ երգե հիմի
Սիրտս՝ լցված տարիների սեղմ արճիճով ու կապարով:

Բայց շուրջս թող որքան կուզե աշխարհը այս խնդա, ցնդի―
Ես- հաշմանդամ ու խելագար ու հավիտյան վտարանդի՜
Դեպի երկինք պիտի գնամ, դեպի եզերքը Ամենտի―
Իմ բարձր, հին ու աստղային երազների ճանապարհով...

Ու էլ ամե'ն մեղքի համար սիրտս հիմա ունի ներում.
Պիտի անդարձ ես հեռանամ, պիտի գնամ՝ ա'չքս հեռուն.
Թե Կարինե Քոթանճյանին տեսնեք Կարսի փողոցներում―
Ասե'ք նրան՝ Չարենցն ասավ- մնաս բարո՜վ, մնաս բարո՜վ...



Կարդացի <<Տաղ անձնական>>բանաստեղծությունը,ինձ շատ դուր եկավ:Հասկացա,որ Չարենցը լքել է իր ծննդավայրը, այդ փաստը վատ է անդրադարձել իր հոգեվիճակի վրա:Միայնակ  բանաստեղծը միտք է անում,խորհում է:Նա այս բանաստեղծությամբ ուզում էր իր սրտի խոսքը ասել,որը դեռ ոչ մեկին չէր ասել:Չարենցը խոսում էր նաև մարդկանց անտարբերության ու սառնասրտության մասին:Նա ուզում էր երազել,և գնալ իր <<աստղային երազների ճանապարհով>>:Նաև զղջում էր,որ չհասցրեց հրաժեշտ տալ Կարինե Քոթանճյանին:Ու խելագառ,հաշմանդամ ու վտարանդի բանաստեղծը գնում է դեպի երկին երազների ճանապարհով:

Комментариев нет:

Отправить комментарий